Patëllxhanë dhe domate të marinuara

Fillimisht shpërlani domatet dhe patëllxhanët pastaj thani me një letër tharëse, pastaj prisni në feta dhe lini anash.
Hidhni 1 lugë gjelle vaj në tigan dhe nxeheni atë në temperaturë mesatare pastaj shtoni në tigan patëllxhanin e prerë dhe skuqni rriskat për 6 minuta derisa të theken.
Rrokullisni patëllxhanët në anën tjetër dhe vazhdoni t’i gatuani edhe për 6 minuta të tjerë.
Kur patëllxhanët të jenë zhytur në vaj gjatë skuqjes, shtoni edhe një lugë çaji vaj ulliri gjatë rrotullimit.
Merrni një pjatë të shtruar me letër tharëse dhe shtroni patëllxhanët e skuqur ashtu që letra të absorbojë yndyrën e tepërt të tyre.
Përsëriteni të njëjtën gjë derisa të gjitha pjesët e patëllxhanit të skuqen.
Merrni një grimë të hudhrës së shtypur dhe me gishtat tuaj shpërndajeni mbi fetat e patëllxhanëve dhe domateve. Lëreni anash.
Merrni një tenxhere me kapak të madhësisë mesatare, shpërndajeni pak hudhër të shtypur në fundin e tenxheres dhe spërkatni me koprën e copëtuar dhe majdanozin.
Tani filloni të shtrini patëllxhanët dhe domatet. Shtroni një shtresë fetave të patëllxhanëve por sigurohuni që të mos bllokohen.
Spërkatni me pak kripë mbi patëllxhanë, pastaj me piper të zi të bluar sa për shije. Përfundojeni shtresën me pak kopër dhe majdanoz.
Bëjeni të njëjtën gjë me domatet dhe përsëriteni derisa të gjitha perimet të shtrohen në tenxhere.
Spërkatni me kripë, piper, kopër dhe majdanoz të copëtuar.
Mbulojeni me kapak dhe mbajeni në temperaturë dhome për 4 orë para se ta shërbeni.
Patëllxhanët dhe domatet e marinuara mund të ruhen në frigorifer deri në 7-8 ditë.

Tags:domatePatëllxhanë

Postuar nga	Shkurta
Postuar me	19/04/2017

2	patëllxhanë të mëdhenj
2	domate të mëdha
5	thelpinj hudhre të shtypur
½ gotë s	majdanoz i copëtuar imët
½ gotës	kopër e freskët e copëtuar imët
1 lugë çaji	kripë e trashë
1 lugë çaji	piper i zi i bluar
3-4 lugë gjelle	vaj ulliri